5 ka paagi unsaon paglikay sa corona virus

Ang corona virus usa ka kagaw nga maoy hinungdan sa sakit nga gitawag nato karon ug covid-19. Sigon sa mga report, ang mao nga virus gikan sa mga kwaknit nga gipangkaon sa mga tawo didto sa Wuhan, China. Gikataho nga nagsugod ang pagbalhin sa mao nga virus ngadto sa tawo niadtong bulan sa November. Karon ang covid-19 nikalas na ug kapin 100,000 ka mga kinabuhi, ug milyon ang mga naapektohan.

Sa pagkakaron, wala pay bakuna o tambal nga nahimo sa pagsugpo sa maong sakit. Mao nga ang paglikay sa mao nga kagaw ang pinaka-epektibo nga paagi. Adunay 5 ka paagi nga gina-suggest.

1. Paghugas sa kamot

Sumala sa mga expert, ang paghugas sa atong mga kamot ang pinkaepektibo nga paagi nga malikayan nga matakdan sa covid-19. Hugasan pag-ayo ang atong mga kamot gamit ang sabon, o 70% ethyl alcohol.

2. Gamit ug facemask

Ang paggamit sa facemask epektibo nga dili makasulod ang corona virus sa atong baba ug baga. Ang gi-recommend nga klase nga mga facemask mao kadtong naay mga filter sama sa surgical maks ug N95. Dili kaayo epektibo ang mga masks nga walay filter sama sa panapton kay makasulod gihapon ang kagaw.

3. Social distancing

Ang pag-maintain ug mga 1 meter nga gilay-on makapamubo sa posibilidad nga ikaw matakdan. Mamahimo nga mabalhin ang virus kung ang tawo mangatsing ug mo-ubo. Sa mao nga distansya, adunay posibilidad nga dili kini makaabot sa imung lawas. Ang social distancing usab naga recommend nga likayan nato ang paggawas kung dili kinahanglan, ug paglikay sa mga tawo nga nagpakita ug sintomas sa mao nga sakit sama sa ubo, sip-on, hilanat, sakit sa kalawasan ug kalibanga. Maayo kung atong sundon kung unsa ang mga instruction sa atong mga experts ug mga opisyales sa atong dakbayan.

4. Lig-onon ang immune system

Ang atong immune system gi-consider nga mga pulis sa atong lawas kay sila ang mosikop sa mga makadaot nga kagaw sa atong kalawasan. Kung luya ang atong immune system, dali ta magkasakit. Ang pagkaon sa mga prutas ug utanon, pag-inum ug tubig, pag-exercise, ug pagkatulog ug 7-8 ka oras maoy makapalig-on sa atong immune system.

5. Mental health

Sa panahon sa quarantine, importante nga lig-on pud atong panghuna-huna. Ang pakigstorya sa atong pamilya sa mga makalipay nga butang, ug ang pag-ampo mao ang atong pwede himuon aron molig-on atong mental health. Dili nato i-focus and atong tanang attention sa mga negatibo nga mga balita kay makahatag lang kini ug stress.