Isda nga duha ang baba, nabingwitan

Ang pagpamingwit isa sa mga gikahiligan nga buhaton sa mga Oponganon tungod kay Ang atong syudad gipalibutan ug kadagatan. Bisan pa sa ka moderno sa atong panahon, aduna gihapoy mga tawo nga mamingwitnilabi na diha sa ilalum sa second bridge.

Apan didto sa Vermont, Canada, adunay usa ka magti-ayon nga nakakuha ug kahibulongan nga isda. Kini dili tungod sa kadako, apan tungod kay aduna kiniy duha ka baba.

Sumala pa ni Debbie Geddes, nga nahimong viral ang ilahang post ug adunay daghang netizens ang ni-suggest sa posible nga hinungdan nganong aduna kini duha ka baba.

Sumala sa uban, ang maong isda nasamad kaniadto ang iyang ngabil ug wala na kini naulian. Aduna pud niingon nga tungod kini kay polluted ang tubig diin kini nagpuyo.

Pero ingon pa ni Geddes, nga bisan pa sa kahimtang niini nga dili normal, himsug kini nga ilang nadakpan.

Kung ikaw nakabingwit sa susama ani nga isda, unsa kaha nga putahe ang imung himuon?

Source: Country Rebel